blackdrag0n2
مشرف
عدد الرسائل : 360
مكان الاقامة : bahrain
الوظيفة : student
المزاج : cool
تاريخ التسجيل : 27/07/2007
 | موضوع: ::((تراثيات)):: توب توب يااااااابحر ::((تراثيات))::  الإثنين سبتمبر 03, 2007 1:03 am | |
| سلااااااااااااااااااااااااااااام عليكم  أغلبكم يعرف أغنية البحر المشهوره :
توب توب يابحر .. توب توب يابحر .. أربعه والخامس ظهــر
تـوب تـوب يابحـر .. تـوب تـوب يابحـر .. هـات عيالنـا من البحــر
تـوب تـوب يابحــر .. تــوب تــوب يابحـر
ماتخـاف من الله يابحــر .. ماتخـاف من الله يابحـــر
يانواخذهـم لاتـصلب عليهـم .. يانواخذهــم لاتصلب عليهـم
ترى حبال الغوص قطعـت إيديهــم
تـوب تـوب يابحــر .. تــوب تــوب يابحــر
ياليتني فوق الدقـل حمـامــه .. ياليتني فوق الدقـل حمـامــه
أبشـر ياغــواص بالسـلامــه .. أبشـر ياغــواص بالسـلامـــه
ياليتني إدهينـه وأدهـن إيديهـم .. ياليتني إدهينـه وأدهـن إيديهـم
وياليتني خيمـه وأظـلـل عليهـم .. وياليتني خيمـه وأظـلـل عـليهــم
هـذي الأغنيـه يغنونهـا حريم لأول قبل موعـد القفـال بحوالي ثلاثة أو أربعة أسابيع
يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال ورياييل
داشين الغـوص ينتظرون ردتهم الديرة على أحر من الجمـــر ..
يبدون الحريم والبنات يغنون هالأغنيه مثل ماذكرت قبل موعد القفال بشرط يكون عقب المغــرب ..
بحيث يتجمعون صوب السـِيف .. وتشرف على الغناء إمراءه قويـه ونشيطه تتحمل المسؤوليه
عن جميع النساء .. أما الحريم الباقي يبدون بجمع الحطب وسعف النخل ويستخدمونهـا لأشعـال
النـار .. وبعدهـا يوقفون على هيئة دائريه متحركـه وينشدون بعض الأناشيد والأهـازيج اللي أهمهـا
توب توب يابحــر ..،،
( القصد من هـالأغنيــــه )
تخويف البحـر وتأديبـه وتهـديده !! لأنه السبب في فـراق أهلهم الذي طـال عنهـم
أيام وليالي .. وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن ..
( سبب حملهم سعف النخيـل المشتعــل )
سبب طريـف ويدعو للغرابه والإستغراب !! هالسبب يخليهم يطلعون
اللي في صدورهم وقلوبهم من مشاعر جياشه وعاطفه وفراق وغيره .. حيث إعتادوا على
ضرب البحر وحرقه وكيه بالنـار ( يجوونـه ) .. علشان يحس باللوعه والفراق اللي يحسون فيه !!
( ماسألتوا نفسكم !! شسالفه القطوووه !! )
هالقطوه الله يسلمكم يلبسونهـا قطعه من مشموم تتعلق على رقبتهـا
وتقوم وحده من الحريم بشرط تكون شجاعه وقويه ..
بثقب أذن القطـه وتحط في أذنهـا خـرز.. وبعض الحريم يغطسون القطووه في البحر
عدة مرات والقصد تنجيس البحر بهـا !!.. وبعدهـا تقوم المره القويه بشد أذن القطه
بشده فتصرخ من الألـــم ( ميـــــاو ...ميـــــاو ..ميــاو ) فترد النساء أجمع بالقول
( يـاو .. يـاو .. يــاو ) يعني جاؤا جاؤا !! والطرف الآخر من النساء يقومون بحرق البحر بالسعف علشان يحس بالألم اللي يحسون فيه .. والبعض الآخر يحذف ويلقي الحجارة :الحصـا : عليه
أو يصبون فيه عشرج ( حـلول ) كي يصاب بالأسهــال !!
ويرجع أهلهم ساليمن غانمين بالولو محملين
والحين عقب ماعرفتوا هالسالفـه علموا إخوانكم وعيالكم بأسلوب مبسط
وخفيـف .. ولاتنسون تراثنـا وسوالف أهلنـا لأوليـــــــــن
أتمنى لكم الإستفاده من تراثنــا العريق
... منقول | |
|
محمد فلسطين
عضو فضي
عدد الرسائل : 1225
العمر : 42
مكان الاقامة : فلســــطين
تاريخ التسجيل : 28/07/2007
| | موضوع: رد: ::((تراثيات)):: توب توب يااااااابحر ::((تراثيات)):: الأربعاء سبتمبر 05, 2007 11:49 am | |
| احلى ثراث مشكور اخي بلاك دراوغون الشعب اللى ما يهتم بثراثة ما يستحق يعيش
تحياتي
محمد فلسطين | |
|
هنا البحرين
Admin
عدد الرسائل : 714
العمر : 45
تاريخ التسجيل : 20/07/2007
| | موضوع: رد: ::((تراثيات)):: توب توب يااااااابحر ::((تراثيات)):: الأربعاء سبتمبر 12, 2007 6:48 pm | |
| شكرا أخي بلاك دراغون و شكرا على افتتاح منتدى أبيض و أسود بمساهماتك | |
|
رجل آخر
عضو جديد
عدد الرسائل : 82
تاريخ التسجيل : 17/08/2007
| | موضوع: رد: ::((تراثيات)):: توب توب يااااااابحر ::((تراثيات)):: الجمعة سبتمبر 14, 2007 11:24 pm | |
| | |
|
